Les mich oonfach
Bis an’s Enn,
Wannst noher aah
E bissje schennst:

- Zu altmodisch,
Ohne Substanz.
Net so vill Herz,
Meh Verstand! -

Kumm, loss die Arwet,
Die groß Politik,
Wann ich der net gfall,
Such der e annres Gedicht.

Wie mich gebt’s Millione
Uf unsrem Planet:
Trauriche un lustiche,
Wie mer’s grad meecht.

Versuch norr oomol,
Net so gscheit zu sein
Un du finnst bestimmt
E liebliche Reim.

Gedichter sin
Wie Phefferkere:
Mit Moß in der Supp,
kann nicks passeere.

[Ingolstadt, 1993]